موقف

قبل رمضان صار لى موقف مع وحده عمرى ما شفتها والحين احسن لها انى ما اصادفها

كان بيننا شغل عن طريق السكرتيره

بعدين حصل موقف و اتصلت اهى شخصياً فينى

واحنا نتكلم كانت توصل كلام عن لسان مديرها اللى هم عمرى ما شفته بذاك الوقت

المهم سألتها سؤال عادى

و عقب كم يوم والا صايره مشكله كبيره و كلام مغلوط بشكل شنيع منقول عن لسانى

جان اتصل فيها و استفسر منها

تخيلوا تقول لى لا انتى ما قلتى بس انا عصبت و قلت

ولما قلت لها عيب ولازم توضحين الامر لمديرك

ترد خلاص راح يكون كتاب رسمى بيننا

مر على السالفه كم يوم وبمحض الصدفه

ايينى واحد يسأل

اختى تبين شئ

قلت له من حضرتك

رد فلان الفلانى

اهنى يتنى ابتسامه داخليه و قلت له انا فلانه

تعومس

قلت له بخصوص الموضوع اللى انقل عن لسانى كله غلط وصادر من الموظفه اللى عندك

المهم كان خوش انسان و عرض انه يساعدنى بموضوعى اللى كنت محتاسه فيه

الحمدلله ما احتجت مساعدته

بس صج هالانسانه ما تستحى على وجهها ولا اتخيل انه اكو ناس مثلها

اللى يحز انها من بنات ديرتى

طبعا اللى ذكرنى فيها الحين

انها ما زالت تسوى شغل معاى عن طريق ناس ثانيين وبكل وقاحه تقول لهم انها ما تبى تتعامل معاى

يا شقول مافى بهالبلد غير هالولد

واذا تبين شغل على الاقل احترمى نفسك و مسكى لسانك

غلطتى انى عاملتك باسلوبى وبكل تواضع

بس اكو اشكال لازم نتعامل معاها بالمسميات و تعرف حدودها

اللى يحر ان لو بتناقش و اقدم شكوى فيها بيصير قالت و قلت

وكلش مالى خلق عوار راس و نقاشات من نوع مجلس الامه

بس خلاص فضفضت لكم

وطخيت