امس بالليل رحت اليرموك صوب الفرع اللى فيه صالون لامود
والا شرطه وايد مو شويه و لويه
وبنات يقرقعون مجموعات مجموعات
منهم لابسين دشاديش
وشباب حاطين كراسى بره بيوتهم يتطمشون
وصبيان حذفوا سيارتى بصخر
حسيت ان صاير شئ بس للاسف فضولى ما ساعدنى هالمره
ماكو شئ بجرايد اليوم؟؟؟؟
18 comments:
هوشة شباب بالسجاجين
هذا اللي عرفته
وانا اكو يهال وايد خافو وانطقو مع اللي تطاققو
:)
هوشة وصلت الى درجة السكاكين
الغالية براقش
مساء الجاسمين
وشلون الفضول ماساعد هالمرة؟...أكيد الفضول كان مشغول بشي ثاني
:))))
لك مني أجمل التحايا وأرقّها
joy
---
@@
سجاجين؟؟!!؟؟
بس البنات اشكثرهم و الشرطه وضعهم كان غريب
كويتى لايعه كبده
--------------
اشوه ان فضولى ما قتلنى ولا عورنى
:)
شقران
------
مساء الخير
وانت صاج من كثر ماكانوا الشرطه واقفين استحيت اتليقف و اسأل
وما كان فيه مجال اطلع الكاميرا
توهقت بزحمة السيارات
والفلاش بالليل يفضح
:P
اللي وصلني أمس الله يسلمج
شباب لاحقين بنات بالسيارة يبون يرقمونهم، قاموا البنات دشوا اليرموك، والظاهر يا أخو يا رفيج وحدة من البنات الملحوقين قال لها يبيهم الدوانية
فانتهت القصة بشباب الديوانية محاوطين الشباب اللي لاحقين البنات، وشوية على شفيك على وأنت شكو، على دزة من هاللطيف على كلمة من ذاك الخفيف، على واحد بيسوي روحه بطل على واحد وده يتيشحط، مع رشة سلاح أبيض على نار هادية على ما وصلت الدوريات، تالي عاد مريتي إنتي وشفتي الباجي
أنا الصراحة ما سمعت عن البنيات اللي يقرقعون ولابسين دشاديش، بس ما هقوتي إن هذه دشاديش اللي كانوا لاحقين البنات وإنهم اعتبروها غنائم حرب
شوية بنات فصخو الحيا يبون يقرقعون والوحدة المفروض تكون عندها بيت وعيال وزوج .
وشوية شباب مايستحون ولا فيهم ذرة رجولة
النتيجة: مغازل ادى الى هوشة.
نفس السنة اللي طافت
فهد العسكر
القصه جدا منطقيه
وغنائم الحرب شفتهم بام عينى
از يو لايك
اذا الاشكال اللى شفتها امس من البنات
قول على السلام بجيل الغد
انا حاشنى طشار منهم
حذفوا السياره
بس بصراحه ما كان لى مزاج ارجع لهم و اتهاوش
:)
القصة إن كل سنة وقت القرقيعان إيون شباب من مناطق خارج اليرموك يقرقعون في قطعة واحد باليرموك
حسب ما بلغني الضابط الموجود بالشارع إن الشرطه يتلهم شكوى من أهل الفريج. فيوا الشرطه وعملوا تفتيش لقوا أغلب الشباب من منطقة الرابية والأندلس
أما الهوشه فمالها شغل بالقرقيعان - الهوشة صارت بعد الساعة 11 مساءا في ديوانية الدبوس في نفس الشارع بسبب خلاف بين شباب من الدوانية وشباب من بره
دشوا عليهم بالدوانية وصارت هوشة بالسكاكين وتعور واحد بإيده وبعدين يت الشرطه وتهاوشوا مع الشرطه بعد.
وبالنهاية الشرطة أخذت خمسة من الشباب إلى المخفر
يا شباب أنا مسوي حملة لترشيد الصرف الصحي على مدونتي يا ليت تشاركون فيها
سلااااااااماااااااااااااات يالغالي سلااااامات ;p
بسيارتج ولا فيج الحمدلله :)))
وليلحين مادري شسالفة :)
صوت الكويت
ما شاء الله عليك
اسم على مسمى
:)
بعد ال11 هم كان زحمه و لويه
شكلها بقايا الهوشه
:)
ريلاكس
لووووول
الله يسلمك
يالله جت سليمه
:p
السالفه اقريها فوق عند صوت الكويت وفهد العسكر
:)
من كل قلبى اشكر لكم تغذيتكم لبلاغة شفى وفضولى
اللا متناهى
عسى ربى يحفظكم للامه العربيه و الاسلاميه جمعاء
:)
انا كاتبه بوست امس الفير عن هالموضوع لانه بمنطقتنا وشارعنا
وللاسف ان السبب في الهوشه
"بنت"
الله يهداها ويصلحها ويستر عليها
وعلى بنياتنا وبنات المسلمين
والسالفه بدت من اول يوم قرقيعان
وكملت امس بالمذابح بالسجاجين
حرب مو قرقيعان
:(
مملوحه كويتيه
هذا يبين لك مستوى التفكير بعقول جيل الغد
تخيليهم ماسكين الدوله والا لهم مناصب حساسه
مالت عليهم
Post a Comment