العرب ما خلوا للاجانب شئ

اعتذر تارو آسو عن تسببه بتراجع شعبية حزبه الحاكم

لا و بعد حل مجلس النواب و الانتخابات اليايه اخر شهر 8

هذا باليابان

الحين يوم بتقلدونا ما لقيتوا الا حل مجلسكم

اتوقع مشاكلم بالمجلس مثلنا بالضبط

نبى دكاتره و ممرضات آليين

التعليم يكون كله بالنت من بيوتنا

سياراتنا تمشى على الغبار

نحط عند كل فريج بحيرة سمك زينة

نعدل قائمه اكل المطاعم و تدخل فيها

شوربه ريول قطاوه

هريسه كلاب

كنافه سمك

احنا 50 نائب و متوهقين

انتوا 400 و شوى شلون تسيطرون على الجلسه

ارتفاع للموج لم يسبق له مثيل

البحر معفوس

الرؤيه تكاد تكون معدومه

تقلب الموج من عالى الى اعلى

آه يا مرعوب

ما عرفت ولا كلمه منه و لا من الكورال

الا

آه يا مرعوب

وش صاير

وايد نسمع الفلوس ما فيها بركة

الفلوس تطير بسرعة

المصروف ما يكفى

المعاش ما يطول الى اخر الشهر

الدنيا صارت غاليه

لما اقعد مع ناس كبار بالسن يسولفون و يقولون

ان العشر فلوس اول تسوى شغل و كان مصروفهم بالمدرسه خمسين فلس و يبقى لهم باجى يجمعونه

تالى صارت الاميه و خمسين فلس تكفى

الحين اليهال ياخذون دينار باليوم و ما يكفيهم

بالنسبه لى

كان عندى حصاله من سوق الصفافير

اقط فيها الخرده الخمس والعشر و العشرين فلس

واذا فتحتها عقب سنه احصل من 50 الى 100 دينار

تالى صارت الحصاله لفئة الاميات و الخمسينات بعد

ووصل الرقم عند الفتح الى 200 دينار

اليوم الاقى ارباع محذفه بكل صوب

بالبيت و السياره و ما يظل مكان ما فيه ارباع

الغريب ان الربع ما قام يهز مثل اول

واحس انه قيمته تضمحل

وش صاير؟

يا حلوهم

اذا المرء لا يرعاك الا تكلفا

فدعه ولا تكثر عليه التأسفا

ففي الناس أبدال وفي الترك راحة

وفي القلب صبر للحبيب ولو جفا

فلا كل من تهواه يهواك قلبه

ولا كل من صافيته لك قد صفا

اذا لم يكن صفو الوداد طبيعة

فلا خير في ود يجيء تكلفا

ولا خير في خل يخون خليله

ويرميه من بعد المودة بالجفا

سلام على الدنيا اذا لم يكن بها

صديق صدوق صادق الوعد منصفا

ولقيتها بعد اهنى لكن نشيده

من اهل الطرب والا الاناشيد

فى الحالتين حلوه

ابارك للثمانية بطاريق الافريقيه سكنهم الجديد بالمركز العلمى

ودام انكم تحبون الماء المالح و الحر و تاكلون وايد

احب اهنيكم و اقول لكم ما راح تتعبون بديرتنا

بس بقى تتحملون الرطوبه و الغبار

حياكم الله ببلدكم الثانى الكويت

المشروع المغرز

من الفضاوة قلت اطلق رويلاتى الى جمعية المهندسين الكويتيه و اشوف مكتبتهم

يمكن الاقيلى كم كتاب ينفعونى بمشروعى التجارى القادم

وللامانه فكرت بكل الشعب الكويتى

وراح تصيرون شركاء معاى

والربح يتقسم علينا كلناوكل ماكبر حجم عايلاتكم زاد ربحكم

انصدمت ان الى الان مازال فيه اسرى بالديره

والله شر البليه ما يضحك

المهم مشروعى يتعلق بوزارة النفط لانى احتاج منهم نفط خام

و بوزارة الاشغال و الاسكان لانى ببيع عليهم المنتج النهائى

ما يخفى عليكم غبار الديره اللى يطب علينا بدون مقدمات

راح اوزع على اللى يبى برميل نفط

اول ما تشوفون الغبار هب

على طول تسبحون بالنفط و توقفون مصدات بوجه الغبار

كل ما زاد الغبار و لزق زاد ربحكم

نبيع المنتج بدونكم طبعا لان راح يتم اعادة استخدامكم

على الاسكان و الاشغال

وبجذى راح نساهم ببنيان الديره

او بالسور الرابع والا الخامس

كل مازاد الطين زاد الربح

وبهذا راح الكل يدعى ان صيفنا يكون عافور يهب علينا من الربع الخالى

صدقونى ما يخلص هالصيف الا كلكم محلوله مشاكلكم الماديه

لا و عندكم ودايع بعد

اللى وده يساهم بالمشروع يسجل

ترى الاماكن محدوده

ولكل عايله حد اقصى تقدر تساهم فيه

وبالباطن راح يكون هناك عقد لشركه تعطى اللى يبى ملقط

يجمع الحشرات اللازقه

و ندفنها علشان نساهم برفع مخزون نفط المستقبل

اسبح بنفطك

يلزق غبارك

مجمع حشراتك

بانى بيتك

وزايد بترولك

واشكبر حسابك

تحياتى

خبيره الطاقه

بروفسوره براقش

زميلة معهد الدبكه الفلبينيه-مانيلا