molten cake
souffle
خمس بيضات - نصف كوب سكر - خاشوقة صغيره بيكنج باودر - اربع خاشوقات كبار طحين
ينخلطون سوا سوا
على البوتاجاز نحط ماعون نسيح فيه قالب و نص زبده مع ثلاث ارباع كيس هيرشيزو خاشوقتين نوتلا
نخلط الكل و الجميع و نسوى حمام ماى وقبلها نسخن الفرن
ونرص المواعين بالفرن
كلها ربع ساعه على حراره 200 وعقبها
بالهنا و الشفا
وجذى سوينا مولتن
اذا نبى سوفليه
نعزل بياض البيضه و نضربه بالخلاط لما يصير جنه غيمه بيضا منتفشه
وعقبها نخلطه مع المقادير
الفرق بين المولتن و السوفليه
الاول سايح
والثانى متروس فقاقيع
وصفتى اليايه بتكون كريم كراميل بلبن العصفور
اللى اييب لى طاسه حليب عصافير له الاولويه بالاكل
***********
الايام اللى طافت كانت زينه و شينه
لكن امانه الزين اكثر
واكثر ما يحز بالنفس اهو الاطباع الغريبه اللى صادفتها من الناس
اكثر موقف ما زال ماثر فينى نفساوياً
اخوى يدور له شقه و احنا معاه
وذاك اليوم رحنا والا الدور الارضى بالمدخل اكو باب مطرف
جان بكل لقافه اطل والا فراش مثل ملوت المستشفى
جان يزفنى اخوى
رحنا الدور الاول والا شقتين
ما يازو له
واحنا نازلين قلت ما اخليه بقلبى
دشيت من الباب
والا فراش ثانى
واحد عليه شايب والثانى عجوز
والغرفه بااااااارده ثلج من التكييف
اخنقتنى العبره و سألت الحارس
جان يقول هذا بيتهم و الولد سكن بره و مأجر الشقق
بس ما قصر اليهودى حاط لهم صبى و خدامه و يمر من وقت الى وقت
الله يرحمنا برحمته
6 comments:
الحمد لله والشكر
الله لا يبلانا
ويرحمنا برحمته
ثانيا اللي أهو المفروض أولا
قلبتي المدونة فـتـافـيـت
البوابه
تقصد فتفوته
الاكله الوحيده اللى الكل يطلبها و مستانسه
بس ما يمنع اسوى لى قناة
:)
يصير نلهط المقادير دايركت اختصارا للوقت والمجهود؟
---
الولد اللي مأجر بيت أهله وهم فيه بأسرتهم... له يوم ولو في غير حين
شكبر يعني قالب زبده ؟
كويتى لايعه كبده
يصير كل شئ بالكويت يصير
اللى يضيق الخلق ان هذا يصير فيهم باخر عمرهم
واهو له رب يعاقبه
ويتنج
القالب الصغير
ويفضل لورباك طعمها احلى
Post a Comment