فى يوم صيفى حار الا لاهوب و السياره كأنها فرن و المكيف ما يسوى شئ من الواهى
و بزحمة الشارع قعدت اقلب القنوات بالراديو
والا دكاتره يتكلمون عن موضوع الرشوه عند الاطفال
يعنى شلون تساحل الياهل و تقوله اذا سويت جذى اعطيك هالشئ
اهنى قعدت افكر
بدايه لازم نعرف شنو يعنى رشوه
فى اللغة: يُقال الرَّشوة- الرُّشوة- الرِّشوة: الجُعْل
فى الشرع: ما يُعطى لإبطال حق أو لإحقاق باطل
و قلت اصلا بالدين اكو ثواب و عقاب
جان استوعب ان عادة احنا نرشى الياهل العسر الشيطان اللى ما يسمع الكلام
يعنى مو اذا سوا شئ زين يبنا له هديه
فجذى اذا اكو طفل ما يطلع منه الا الشطانه علشان نفتك منه و نخليه يسمع الكلام نرشيه
بالتالى هذا يكبر و يعرف ان اذا صار راعى مشاكل و متمرد
راح يحصل اللى يبيه
وطبعا كل ما كبر زادت الطلبات و حجم الرشوه
بالنهايه و بدون قصد و علشان يفتكون الاهل من حنه عيالهم يربونهم على الفساد المقنع
ترى السالفه جد و مو غشمره
الجيل اللى يطلع منهم اش راح يسوى بمحيطه
سواء على الصعيد الاسرى البحت او العام
انا اعتقد لغة الحوار بين الاهل وعيالهم تكاد تكون معدومه
أولياء امور وايدين... الا من رحم ربى منهم مجابل عياله و يعلمهم مكارم الاخلاق
اما البقيه الله يهديهم مخلينهم على راحتهم
اذكر اول بالمدرسه كنا نخاف من المدرسين و نحترمهم
الحين اشوف عيال هالوقت ما يحترمون احد
ولاحظوا ان احنا
نسبه كبيره منا مواليد الثمانينات و التسعينات
واولياء الامور من موايد الستينات والسبعينات
الجيل الذهبى
يعنى النقله اللى قاعده تصير باخلاقيات عيالنا بعد عشر سنوات من الحين بتسوى كارثه اجتماعيه
طبعا اكو حل لكن بعيد المدى
هذا اذا نبى حياة راقيه بنقاشاتها
لازم نربى عيالنا صح علشان مع الوقت تتغير النظره التشاؤميه العامه
وما اعتقد ان اى انسان يبى عياله او حتى اى شخص من اهله يكون مرتشى
التوقيع
د.براقش
دكتوراه بعلم النفس البشرى
جامعه الوفره-قسم نعناع المدينه
ماجستير العلاج النفسي بالتنويم الإيحائي
جامعة كاتمندو -نيبال
رئيس قسم الطب النفسى
كلية الربع الخالى العسكرية
بكالريوس علم النفس الإكلينيكي والتحليل
جامعة جزرالقمر
حاصله على شهادات فى التدريب والتأهيل النفسى
جامعة ام المرادم
رئيس قسم التخدير من جامعة معترف بها
اخذت هالشهاده لاحتماليه احتياجها بيوم من الايام
12 comments:
مشالله كل هذي مسميات
;D
بس والله استفدنا دكتورتنا
:)
افتخر كمدون بوجود مدونه زميله تحمل هالسيرة الذاتيه الطيبه
واسجل تحفظي لعدم وجود اي شهاده من الفلبين
وانا عن نفسي اكثر شخص يرشي اليهال عشان لا يزعجونا اذا نبي انام او نسولف او غيره
اي و الله صاجة
.. ذكرتيني بخالتي، لا صاح الياهل شيلوني، تخليه يصيح يصيح و عنه ما سكت
!
و السي في ذكرني أيام لما كنا نلعب شركة
كنت الفرّاشة بس لا بقشيش، لا رشوة، معزبيني كانوا جهلة
ارتفل
------
الله يسلمك
واجب على انى اسخر علمى لخدمتكم
:P
بوحامد
-------
بل كل الفخر لى ان اكون وسط حشدكم الغفير و الكريم الذى لطالما كان وراء سعيى المتواصل الى الوصول لاعلى مراتب العلم
بخصوص
الفلين
عندى ماجستير بمساج سيقان النمل
وللامانه العلميه ما كتبتها بالسى فى لانى فقط البارحه وصلنى مكتوب منهم بانى اجتزت مناقشه الرساله بدرجه امتياز مع مرتبه الشرف
لوووول
طلعت انت من الراشين
دير بالك من الغد
:P
ديما
---
والله خالتك مربيه فاضله تعرف شلون تعامل اليهال
:)
شفتى شلون
من طلب العلا سهر الليالى
وانا كل ليله سهرانه عل شوتايم
:)
براقش
خوش ربط
فعلا شخصية الإنسان تتشكل في الصغر
والبداية رشاوي
!
ولد الديره
----------
شكرا
ترى شهاداتى مو شويه
:P
طلعوا سعدون حماد ودميثير ووليد العصيمي والنسخ الثرية منهم أمثال مرزوق الغانم والروضان والكبير الخرافي ضحايا وأطفال بريئين وليسو مرتشين
والراشي مجرد يحاول تربيتهم
يا مساكين
شكرا للتوضيح
صح كلامج لغة الحوار بين الاهل معدومه فيتجهون للاشياء الماديه عشان يقدرون يسيطرون على الوضع مايدرون انهم يخربون الوضع..................
اهم شي دكتوره براقش هههههههههه
كويتى لايعه كبده
---------------
:)
اليوم الصبح كنت افكر و اقول
اذا انت علقت منو بتطرى من الجماعه
لووووووووووووول
مساكين من قلب
جنون الكويت
-----------
ترى تعبانه على هالشهادات
وناويه اكتب سيرتى الذاتيه بعد
:)
اسهل شئ انك تعطين بالامور الماديه
لكن المعنويه و ان الاهل يقضون وقت مع عيالهم اتوقع وايد يلاقونها صعبه للاسف
Post a Comment