الوقت كالسيف ان لم تقطعه قطعك
احترم الانسان اللى يحترم الوقت
ويزيد اعجابى بشخصيته
احس انه منظم و يمكن الاعتماد عليه
ترتيب اولويتنا شئ مهم علشان نقدر ننجز اكبر قدر باقل وقت
تحوشنى فترات ابى اليوم فيها 36 ساعه
وغيرها اليوم يمر كأنه دهر
احلى ساعات يومى واللى احس انها ملكى انا بس
من 9 مساءا الى 1 صباحاً
اجابل التلفزيون ومخى ما يفكر بشئ ابد
راحه ما بعدها راحه
قبل يقولون ان طاعك الزمان والا طيعه
لكن اذا كنت من النوع اللى ما يستسلم بسهوله
شلون راح يكون الند هو الوقت و الزمن؟
شنو افضل اوقاتكم ؟
و
شنو تسوون علشان تريحون نفسكم من التفكير؟
8 comments:
zooz
----
لووووووووووووول
اسفه مسحت التعليق بالغلط
لووووووووووووووووووووووووووول
كنت مندمجهبالتلفزيون
بس ولا يهمك
تصل متأخراً افضل من ان لا تصل ابداً
وراح اسوى لك بوست عن كساره الجوز
:P
زوز
مرت من هنا
؟
!
:)
ما عليه بانتظارك مرة ثانية
:)
بالنسبة لموضوع الوقت
فانتس لمستي وتر حساس
اهم ما في الحياة هي التؤتيب والتنظيم
من دونة انا اضيع بصراحة
واحلى وقت ويكون ملكي لما اطلع امشي والعيال بالمدرسة وابو العيال بالدوام
عندي من الساعة 10 ليلا الى 3 ظهرا يوم ثاني
اسوي الي انا ابيه
بس تقولين ابطل تفكير بالبيت والعيال والالتزامات
لا
لايمكن
مخي يفر فر
بس يمكن لما اسافر لندن اروح حق زوز
:)
يكون وقتي ملكي
صباح الورد:
ذكرتيني فبوي دايم يكلمني عن الاولويات ونتنظيمها وبعض الطرق والنظريات
بس انا اسمع منيه واطلع منيه
طبعي مزاجي اللي على مزاجي اسويه اول
ما احب اقعد ساعه فاضي لازم اشتغل بشي؟
الوقت يكون ند لي لما يكون الامتحان بعد كم ساعه ولازم ادرس ,او لما اكون اشتغل في شي ويكون المده على اتمام هالشي طوييله لازم اخلصه يعني اخلصه.
افظل وقت لي النهار احب اشتغل بالنهار
اما مسألت اريح نفسي من التفكير مستحيله اصلا انا اذا ما فكرت اواشتغلت اصير عدواني وعصبي واحياناً يصيبني صداع يعني لازم اسوي شي.
احلى وقت من 11 حتى 1
اصفي افكاري
واستعد ليوم جديد
واعتني بنفسي بكل الطرق
روحيا\جسديا\فكريا\نفسيا
عجبني الموضوع
احلى وقت الضحاوي
لين راحو العيال المدرسه
ومن عطلو وانا بحاله
مالهم غير السمر سكول
:)
انا احلى وقت عندي
ان يومي مافيه شي و لا وراي شي
و من يصير الساعه 8 بالليل اندعس بفراشي و اجابل التيفي و الشووز و الابتوب بحضني
او كتابي في ايدي
و جناااحي مسكر لاحد يدش ولا احد يطق الباب
و التلفون سايلنت
اعاني من مشكله ان السالفه مو سالفه ساعه حلوه او يوم حلو او فتره راحه .. لألأ ان السالفه هل احنا نقعد مع نفسنا هروبا من شي ؟ او عن احد
هروبا من مشاكلنا
او نسيانها..؟
وهل قعدتي هذي لو ابي ابدلها في شي ثاني اقدر او ما اقدر؟؟
اهني الغمنده
قريبا راح انزل بوست من سطر واحد
راح ينفهم فيه كل رغباتنا
كل وقت عندى ايهون ولا اول ما اقعد من النوم يبيلي ساعه عشان افج عينى أحس داخلها تراب:)
تنتابنى الدهشه الكامله ماللى يروحون شغلهم فل ميك اب
التفكير مزعج مثل ذبان الوفره
يبيله كش
:)
بس يرد بالحاح
من زمان مو حاس اليوم يمشي بطيء
دايم أتمناه اطول واطول واطول
اتوقع هالشي من فشلي مع مقوله .. الوقت كالسيف
فللأسف .. الوقت دايم قاطعني :)
Post a Comment