من لحق على العطله بس يوم الجمعه يحس فينى
كنت احب الخميس لان عقبه اجازه
واكره يوم الجمعه لان السبت مدرسه وطبعا هم اكره السبت
كبرت و صار قرار الخميس اجازه
حبيت الاربعاء و الخميس
وما زلت اكره يوم الجمعه والسبت
كبرت اكثر
لووول
وصارت الاجازه جمعه و سبت
حبيت الاربعاء
وصرت اكره الخميس و الجمعه و السبت و الاحد
الاثنين مرات احبه
والثلاثاء كنت استانس بزوارة بيت جدى الله يرحمه
اليوم
اقدر اقول
ان اليوم الوحيد اللى احبه من ايام الاسبوع
الاربعاء
احتمال احب جميع ايام الاسبوع فى حال
تحققت امنيتى الكويتيه و صار عندى شاليه
اهنى
نهارها عجيب
ليلها خيال
احبها
الى درجه انى اغبط خفر السواحل على وظيفتهم
وبكل عبط اسأل يصير اشتغل هناك
لوووول
ومابى اجازه الا يوم واحد اتسوق
واذا النت يوصلون هناك التسوق مال الاون لاين مابى الديره
ولكم وعد منى كل عطله عازمتكم عندى تسبحون و تحدقون و تغوصون و تتشمسون
انتوا ومن يعز عليكم
والدعوه عامه للاحباء فقط
يرجى عدم اصطحاب الاطفال و الكاميرا و الموبايل بو كاميرا
لووووووول
18 comments:
نبي مصرية كديش تفتشنا عند باب الجزيره تاخذ الموبايلات وتعطينا رقم
وتحط الموبايلات بلوحه خشب مقسمه
لوووووول
بعدين انتي لازم تكونين وفيه
مشاعرج يا براقش مزاجيه
كل يوم تحبين يوم
ما الومج واسبابج مقنعه
بس ميخالف حاولي تستقرين انا اخاف توصلين مرحله ما تحبين ولا يوم
!!
وبعدين وين تروحين
لوول
تسلمين على البوست عيوزتنا
لاحقه على عطلة الجمعه والجمعه فقط
!!!!!!!!!!!!
انا احب
انا احب كل الايام بس اعشق السبت ايام ماكان للبنوك فقط
كنت استمتع فيه
:)
استكانه
-------
لوووووووووول
ولازم تكون نفيسه وكأنك بايقه حلال ابوها
لوووول
انا مو وفيه
افا يا استكانه
اهئ اهئ اهئ
ترى اروح الاسبوع اللى فيه تسع ايام
:)
ارتفل
-----
لوووول
طحت على
زميلتى بالدراسه كانت عايشه المرطه
اهى تخصص فن شعبى و انا شعبه حداق و زفر
لووووووووووول
ههههه
شفت حتى سبتك اخترب
تلومنى
اذا تبى تقدم على الوظيفه راحت عليك
ترى انا عندى واسطه
هاموووور
لوووووووووووووول
إنزين أنا ما أعلق عندج بس أقرا، يصير أصير أحباء و تعزميني
:)
ديما
---
لوووول
افا عليك مكانك بدون عزيمه
واحباء بعد
:)
انا كنت ما اشتهي الجمعة بس من اليوم هو الاروع و الاهدى بين كل الايام
370 درجه
--------
حياك الله
واتمنى انى احبه
والله حاولت
لكن للاسف احسه يوم طويل و دوم كئيب
يوم انك تذكرين عطلة الجمعة بروحه عيل تذكرين يوم ما فيه الا قناة وحدة ويوم فتحت الثانية بس نص يوم. والمدارس يوم فيهم ريوق وهم اللي يوزعون علينا كشاكيل وأغراض الدراسة والدرنقسوتات الملونة حق كل صف لون غير
اللي ما فهم لا يرفع ايده
كويتى لايعه كبده
--------------
للاسف
ما اذكر الا قناة البرنامج الثانى
وشلون كل يوم احد يحطون افلام
امى ماترضى اسهر اسجلها و اشوفها ثانى يوم من الفجر قبل المدرسه
لووووول
كنت بمدارس خاصه و ما شفت الكشاكيل ولا شوربة العدس
الدرنقسوتات كنت دوم لونى احمر
:)
وتذكر الشرايط ملوت كل فريق
هههه
خوش شي
:)
تصدقين عاد
انا من وعيت على الدنيا وانا ما احب يوم الثلاثا
ليش مدري
واكو كلمة قالتها لي امي مرة من المرات اللي تذمرت فيها من يوم الثلاثا
"لا تعادي الأيام تراها تعاديك"
فكل بصيبه تصير لي تصدف يوم الثلاثا
تهقين الشعور متبادل
!!
مسائج ورد برقوشه
منال
----
:)
لا تنسين الشمسيه
الزين
------
الله يطول عمر الوالده
كلامها حكم
:)
تخيلى اليوم ما يحبنا
لووووووووووووول
مساءك ثلج
الغالية براقش
مساء الخير والنوير
كبف حالك
:)
.
.
انتي كرهتيني بكل أيام الاسبوع
لووول
العطلة لما كانت بس يوم الجمعة لحقت عليها
:))
.
.
موبايل بوكاميرااا
لوووول
والله صج صج ضحكتيني أضحك الله سنك
:))
مانبي نتشمس ونتسبح نبي نااااكل..عندكم أكل ولآ لا
:)))))
ملاحظة
صورة الشفر في البوست اللي طاف تحفة فنية
:p
تقبلي مني أجمل التحايا وأرقّها
الأثنين والباجي خس :)
كافي زميلتك الدراسية غنت عليه :>
شقران
------
صباح الخير
لووووووووول
اشدعوه
لازم تلاقى يوم حلو
عندنا اكل
مموش ربيان يابس و دقوس صبار
والا ميد مشوى و عيش مشخول
والحلو
رقى
ومشروباتنا ماء فريش
والا لبن
:)
ولد الديره
-----------
صاج انت و زميلتى بالدراسه
صباح الخير ياكويت
:)
Post a Comment