كل يوم وبمجرد ان نفتح اعيننا علينا ان نختار
اكو خيارات يوميه
والمفترض وجود خيارات تتعلق بمستقبلنا
سواء على الصعيد الشخصى او متعلق بمن هم حولنا
وفوق كل هذا علينا نتحمل عواقب خياراتنا
شلون نعرف اننا اخترنا الصح
اعتقد ان الموضوع نسبى
ويختلف من شخص الى اخر حسب حاجاتنا
لكن هناك امور كلنا نتفق عليها
اكثر ما يقثنى من هالخيارات
هو الذهاب الى العمل بوظيفه
يكون لى رئيس يلووع الكبد
خمس ايام بالاسبوع من 6 الى 8 ساعات
يعنى اكثر من مجابل اهلنا و ربعنا
واذا كان عند احد طموح علشان يسوى له مشروع تجارى
العقبات تقتل كثير من الامل
لكن الاصرار يسهل المهمه
وشعور اخر اليوم انك انت صاحب القرار
يخلى التعب حلو
اهنى تكون المشاكل ماديه
وبصراحه
التعامل معاها اسهل من التعامل مع الامور المعنويه
املى كبير ان على ما اصير بالاربعينات من عمرى حسابى بالبنك متخوم
وعايشه مرتاحه
راح باذن الله اسوى مشروع تطوعى لخدمه المرضى من النساء بالمستشفيات بالمستقبل
اكتشفت انى اعطى الكثير بالمجال الخدماتى
لكن مشكلتى الوحيده انى مرات افصل ولا احب اكلم اى شخص
الكلام اللى بقوله الحين راى شخصى و لا يعنى انى احكم على غيرى او كلامى يقلل من شانهم
خصوصا للقوارير
احنا تربينا ان اهلنا يصرفون علينا و نمشى بامرهم الى حد ما
عقبها سواء كان صح او غلط
بعض البنات تكون لهم علاقه مع الجنس الاخر بغرض الزواج و هم يمشون بامرهم من باب حبيبى و اسمع كلامه
وتالى تصير زوجه و اذا كانت حظيظه الزوج يصرف و تمشى بكلامه
اوتصرف على نفسها و هم تمشى بكلامه
وتظل لمده طويله من حياتها و اهى عايشه لاجل الغير
وبعد وقت تكتشف انها مو عايشه بسعاده
طبعا اللى خلانى افكر
كثرة العروس اللى رحت لها خلال الاسبوعين اللى طافوا
وكعادتى لازم اقعد و اسولف مع من حولى من الحريم و اتليقف
ولحسن الحظ التجاوب غير طبيعى و فتح القلب على مصراعيه
يشبع فضولى اللا محدود
زفه طارق الخريف للرجال حلوه
لكن الردهان عجيبه
فطومه تزف العروس وتخلى الكل تخنقه العبره
صايره خياليه و تعطى العرس جو جميل
دى جى الرندى مبدع لكن ما يصك على سالم
واغنيه هالموسم
طير الحمامى
ابتسم اذا سمعتها و تذكرى بأبوى لان يحب الحمام
وادرى ان ماله طريق عليها ولا على الطرب كلش
اهم شئ قبل لا انهى موضوعى
يا جماعه اللى يبى كاكاو حق الحفله لا يسويه كبير او داخله صلصله سائله
ترى يعفس بالاكل
:)
ومبروك للجميع و عسى الله يوفقكم بنات و شباب
هذى اغنيتى المفضله
وينك يا درب المحبه
18 comments:
براقش
توني رادة من امتحان علم نفس !!
وكان عن الصراع الي نتيجة الاختيارات المنتوعه
!!!
واي تعبت !
تدرين براقش؟
جنج تدرين شنو فيني
موضوع محيرني ،وصايره استخير اكثر من فروضي ،وفعلا كل كلامج عن القوارير صح
!!
طبعا الاستخاره مو زواج بس للتوضيح
:pP~
بالنسبه للاختيارات انا اعتمدت الاسلوب التالي:
السؤال وجمع اكبر قدر من المعلومات حول اي موضوع،اوصل لمرحله تنشف الريج احيانا
مقارنات وموازانات
استشارات الناس المهمه ورايهم
استخارة
واذا عزمت فتوكل على الله
:)
اهم شي ملاحظات العروس
يا زين هالبراقش تينن،انا ماحب اسولف بالعرس ازعاج واحس اني اصارخ من قمه راسي،وخاصه ان قمه راسي تكون مسويه تسريحة مرات وتعبانه اساسا فما احب اضايقها اكثر
:Pp~
الله يوفق الجميع
مركبنا
-------
اش هالعذاب اليوم سبت؟؟؟؟؟
ان شاء الله ناجحه و بامتياز
:)
استكانه
-------
الحال من بعضه
اظل متوتره لما اعرف شنو نتيجه اختيارى
اجهاد ذهنى
وترى انا مقدره الظروف والا جان كل يوم قاصه عليكم احلامى
لوووووووووول
وراح تعرفين اشكثر انا تعبانه فكريا
اما العروس امس كان قبيل الاخير
ولازم اروح فقعدت اتطمش
واول مره اكل من كل انواع الحلو
وشربت قلاصين عصير مانجو
لوووووول
واتبوسم بروحى
شوى الا ملتفته على شخصيه كويتيه معروفه
وجان تقول لى
مو ضايق خلقك وعليه بروحك
رديت انا بعرس ليش ازعل
المهم اهنى حسيت ان لازم احوس و اتمشى و اسولف
غيرت المكان و استأنفت النشاط
:)
صوت الردهان يسبب لي تلبك معوي
***
محمد عبده لو بس يطق اصبع انطرب معاه
***
ليش قاعد احط ثلاث نيوم ما ادري
***
تقول علم العراق اول
***
شوفي يا حاجة
اول شيء عندي احساس انج قاعدة تصغرين عمرج
ثاني شيء
ابتسمي اكثر حتى لو بينج وبين نفسج
فعلا الحركة تولد الفكرة
بمعنى لو نكشكشها اكثر تكون الدنيا في عيوننا افضل من الواقع
بالعربي يعني ضحكي على عقلج
***
ردينا على طير يللي
***
بعدين اذا ما صرف الريال على مرته شخصيا اعتبره مو ريال
لكن على المرة ايضا مسئولية انها ما تفلس ريلها
بسنا مظاهر
***
ولدالديره
---------
الردهان طقه و طقه
عبدو وحتى وهو ساكت صوته حلو
النجوم يمكن مشتهى كاكاو بو نجوم
احساسك بنيته على اى اساس
ومن قال لك انى مو سعيده
:)
بالانجليزى مينون اللى يقص على نفسه
شنواهو طير ياللى اللى انت رديت عليه
؟؟؟؟
انت ادرى بجنسك و تصرفاتهم
وتحكم اذا رياييل و الا لأ
براقش
مو الكل يحسب حساب عواقب الامور
بالتالي اللي يصعب الإختيار هو عاقبة هذا الإختيار
ومن هذا اعتقد هالشي يعتمد على الشخصيه وتحملها للمسؤوليه
مسألة إن الزوج يصرف أو ما يصرف
أنا مع ولد الديرة
اللي ما يصرف على المره منالأساس ليش يتزوج
اما العرووس
ماحب اروحلها وايد الا اللي ملزومه فيها عمتي خالتي وما إلى ذلك
وافضل عليها حفلات البيوت احسها مريحه أكثر
أخيرا
أنا هابة هالفتره بأغنية لابوك يالعين كلماتها حلوه تطربني
الإختيارت هي أحلى وامر ا في الحياة
بعد تأمل كل الي خولي لقيت ان حياة الإنسان تتشكل من خلال اختياراته والقدر
وبنفس الوقت اناقض نفسي لان القدر مكتوب من قبل لايولد الإنسان
ونرجع لنفس المعضلة الأزلية
هل الإنسان مسير ام مخير
جني بديت اتفلسف!!
طير حمامي توووونس
اول مره اسمعها بصوت اليازيه
على هالصبح قمت ارقص
وراي امتحان الساعه 12 و اختياااراتي من الصبح سكرانه مو راضيه تصحى
:S
استانست بزيارتي لبلوقج
مها
---
معاك حق باللى قلتيه
وللاسف ما اعرف الاعنيه
:)
4
--
لووووووووووول
عقدتينى
عفره
----
حياك الله نورتى المدونه
والله يوفقك بالامتحانات
الله يعينكم
:)
عاد مو ترقصين من التعب وانتى تكتبين
وبشرينى بعدين بالنتيجه
عشان جذي انا اذا رحت السوق اروح بروحي .. لاني اتعب الي معاي . لازم افر كل السوقه والمحلات وبعدها اسجل الي ابيه وبعدها اشتري ..
يعني يبيلي ايام عشان اشتري تي شيرت :)
كااااااااااااااااك :)
وتحياتي ..
ويسلمواااااااااااااااااااا :)
كويت الخير
--------
الله يا عمرك طويل
كنتى على بالى اليوم
انا مثلك احب اروح السوق بروحى اذا بشترى شئ لنفسى
لكن لانى سريعه
لووووول
مايرحموا دمع سايل
يغني المحب عن سؤاله
هيضتي مشاعري --> متعوووب عليها ترى ;p
ياني إحساس إني بروح عرس --> اخاف بس صج وقت الصجية تلوع جبدي وما أرتاح إلا لما أطلع من الصالة هذا إذا رحت ماسحبت عليهم
ريلاكس
------
يبتيها
:)
شوفى
المناسبات الاجتماعيه ضروريه
تتواصلين وتشوفين اهلك و ربعك
انا كنت اكشت وايد اول
لكن الحين ماكو عرس او عزا الا انا فيه
ميت من لا يعيش بأمل
وكثرت العروس بهالفتره علشان يصيدون الناس قبل لا تسافر وهم علشان المعاريس بيخلون صيفيتهم شهل عسل
كويتى لايعه كبده
---------------
لوووول
حكم حكم
ما فاد معاك البيريه
جرب الكاسلتزر
:)
خوش تحليل
بس العروس بالشتا احس ابرد و احلى
Post a Comment