انا من النوع اللى يحلم كل يوم
واقدر اوقف الحلم و اغيره
شلون ما ادرى
هل ممكن ان هذايصير مع كل الناس هم ماادرى
المهم
اليوم الظهر حلمت
ان انا و امى قاعدين بسياره باجيرو بيضاء نصها سافط على طرف الرصيف بتايم سكوير
كان اكو مسيرة حيوانات
فيلة و زراف و حميروحشيه
هذا اللى اذكرهم
والا على الشارع الثانى اكو فندق كبير اسمه رويال ميراج
يشبه تاج محل
وعلى نفس الشارع اللى انا واقفه عليه اكو قهوة بسرداب
شفت لوير و بنت رفيجتى داشين القهوة و معهم موبايلات بلاك بيرى وحده بولد و الثانيه كيرف
لا تسألون شكو
واسمع لويه الصوب الثانى والا الممثل اللى بفيلم
the king and i
موجود بالفندق و مسوين له غدا قوزى
وانا بالسياره و ما تحركت منها
كنت قاعده اشوف الممثل بالجناح ماله ياكل
ينادونه مستر ولد الديره
انصدمت لانى اعرف شكل الممثل و هذا شكله غير
ولابس بجامه مع كبوسها
تونى بنزل من السياره و الا ينزل ثلج وايد
الناس قامت تصرخ و انا ابى اصور
جان يوقف الثلج
امى كانت تنادينى بتعطينى برحى وروب
وانا اقول لها نطرى شوى
لما حطيت ريولى على الارض والا انا حافيه
و تحت الثلج تراب مثل مال الغبار
رجعت السيارة و الا امى مختفيه
والتمر طلع سكرى ما احبه
التفت ادور لوير
والا معلقين صور مرشحين
منصور محارب و دميثير
واكو ناس قاعده تبيع باجيلا و نخى
قعدت من النوم لانى ما تحملت كل هالصور
وحسيت ان ريولى متروسه تراب
استوعبت ان الوضع غير مريح حتى بالنوم
وهذى حالتى كل يوم
افلام غير طبيعيه
وناس ما افكر فيهم قبل النوم يطلعون لى
10 comments:
شكـلج لم تري خيراً بالمره ;p
شهالحللللللم !!!
امانه دقي على خيرا رأيت .. ودي اشوفه متعقد اشوي :)
يبيلج جهات امنية عليا تحقق بحلومج
اتصلي على ميدو الجارالله فوراً
صباح الخير
قريت الموضوع ثلاثة مرات مافهمت
من قصدج بالحيوانات ؟
نفسهم رواعي الصور :p
صباح الضغاط
هههههههههههههههههههههه
خير خير خير انشاء الله الله
هههههههههههههههههه
الله يا انا ما اشتهي البلاااااااك بيري
بسوي حمله ضده
عاد اتصدقين اشدراج ان انا احوس في رويال ميراج الاسبوع الي فات
رايحه رويال ميراااج
ولد الديره اكييييييييد كان يستسفط مدري ستتسفط
الحجوه الي كلا يقوووولها
المهم خيييييييييييييييييير
خوش يمعه
عسانا متجمعييييييييييييييين عند النبي يختششششششششششي
لا لا لا ماصدآش عيوني
برغوووووشة دير ولكم ولكم
نورتينا
:)
حبيت حلمج
وببوق الفكرة وبنشر احلامي :)
تحياتي لج
لوووووووووووول
عججججبه هالحلم
خليط ومن كل بستان زهرة
:)
بليز بليييز دقي على النهام انا الحين ابي اعرف التفسير
صباحج ورد
كويت
----
لوووول
ما يت على هالحلم بس
بلوقر كويتى
-----------
عطنى رقمه
كلش ما تسوى التعب و يقول لى بعدين
شكلك ماكله باجه و نايمه
ولد الديره
-----------
لا اتييب طارى جهات امنيه
ما ظل ضابط بالشرطه ولا المباحث ما كلمته هالاسبوعين اللى طافوا
ما اعرف الا ميدو مشاكل
:)
بس
----
لوووووووووووووووووول
اى والله ضغاط
عموما كلنا كائنات حيه
:P
لوير
-----
عاد مفكره اشترى واحد
ما تنصحين
؟؟؟
خلاص المره اليايه الحلم بيكون بالمالديف
:)
جوى
----
يا هلا
@@
نشرى اللى تبينه
نحن بلد حريات
:P
LOOOOOOOOOOL
الزين
------
بالله عليك النهام ما يفسر احلام فرديه
تبين يفسر حلم متشابك
:)
حلمك زحمة
يبيله تفسير العوضي
(نبيل مو أسيل)
كويتى لايعه كبده
--------------
لا نبيل ولا اسيل
عقب هالاحلام المتعومسه
اليوم و امس
قررت ما راح اناكم العصر ابد
اقعد من النوم تعبانه
:)
Post a Comment