القصه كلها من 3:08الى 5:30
هالاغنيه هذى لها ذكريات كثيره من ايام الشباب
مشهوره بذاك الوقت بين اقرانى بانى الداثره اللى احبها و يستاسون على لما انطرب بهالمقطع
الناس لى نامت هاضت بى جروحى
حتى القمر لى غااااب ظليت انا بروحى
لى قلت انا بنساه
تفضحنى دموعى
ويزيد فى قلبى الشوق
وتزيد همومى
محتار انا وياك
شتت افكارى
ليتنى انا انساك
او تنطفى نارى
اللى ذكرنى فيها اخوى مره قال لى غنيها و بسجلها و بسويها رنه لك بتلفونى
وافقت بعد ترجى و مساحل
اليوم كلمنى اخوى الثانى وهو يضحك سمع الرنه
يقول لى شلون عندى الثقه انى اسجل صوتى
وما زلت الى يومنا هذا احبها و انطرب الى اقصى الحدود و اغنيها بصوتى الشجى للاحباء
ملحوظه مو مهمه : 1:41 ممثله بحرينيه تطلع برمضان مادرى شنو اسمها
