صار لى فترة
اكتب و امسح
احساسى الاولى بخصوصية التدوين راح
كان هالمكان عبارة عن متنفس لى
اسولف و اقرق و اهذر
اقول كل اللى بخاطرى
اعلق و اضحك من قلب
اوله عليكم و احس انكم من اهل بيتى
افقد فلان و فلانه
ازعل لزعلهم و افرح لفرحهم
جد ظرف على حياتى و دارت عجلة حياتى .......عجلة الحياةلا تمت بصلة لا من قريب ولا من بعيد لعجلة التاريخ و هذا للعلم
احس انى الحين بعنق الزجاجه ....متقلقصة
لا فرحانة ولا اقدر اقول متكدره
دمعتى تظل حايره بعينى تحوس واذا نزلت تغرق الدنيا بصمت
وكلامى محبوس ما اقدر اسولف او افضفض
استغرب حال البشر من حولى
سمعت امثال كثيره
بس ياز لى مثل اشهم الذيب طقاع النعيه
حسيت انه يضحك
اللى مزعلنى بعد
اقرب شخص لى و اللى كنت احس انى بكل اريحيه اقدر اقول له كل شئ
صرت اتحاشى انى اسولف معاه لان بكل مره يتطنز وتعليقات تقث و انا اكون بحاجه لسوالف جد
قد اكون انانية لكن متنفسى الوحيد راح
كان عندى بالسابق بال طويل اسمع شكاوى و سوالف كل من هم حولى بدون كلل او ملل و عمرى ما طلبت يسمعونى
اليوم و لاول مره
كنت ارد على كل اتصال او سالفه
فلانه مالى خلق اتكلم
فلان كلش مودى مقفل ما ابى اتكلم
وازيدكم من الشعر بيت
احلامى كوابيس
طبعا اللى يعرفنى يدرى بلخبطة هالاحلام
اكو شئ احس انى فاقدته
ايييييه يا براقش
هذا مراحل الكبر والتخريف
واكو شئ اخير
طول حياتى ما انام اكثر من ثمان ساعات و عقب تقلصوا الى ست ساعات
اذا صرت فوق الخمسين كم ساعة راح انام؟
10 comments:
ودي اقول السبب الثيم الجديد بس مو وقت غشمرة
هونيها
كلنا نمر باوقات صعبة
وتمشي وتمر الايام واحنا اشماخذين منها
سامعة هالنكته ؟
ياهال يقول حق امه
يما اشلون صاروا كل هالناس ؟
قالت له
الانسان كانت بدايته قرد وتطورت نشآته مع الزمن وتغير الى ان اصبح انسان
جان يسآل ابوه نفس السؤال
الابو قال له
الله خلق ادم وحواء وتزاوجوا ويابوا عيال وتكاثروا وصارت هالناس
قال له الياهل بس امي تقول ان الانسان كان اصله قرد
فرد عليه الابو وقال له
والله قاعد اتكلم عن اهلي وما ادري عن اهل امك
:))
براقش
اسم الله عليج ابوي
تف تف تف تف
شياج
عين ما صلت على النبي
الله يعينج
يبيلج عرس وساعة الماس وشرط تصيرين احسن
اعرف لكم :)
الحمدالله على كل حال يا أختي الكريمة
وتأكدي مهما بلغت متاعبنا ومصاعبنا تهون أمام مصائب غيرنا
شدة وتزول إنشاء الله
وعليك بالتدوين فهو علاج ومتنفس لك
مسا الخير
استكانه
راح احتفظ بالرد لنفسى
و مشكوره وايد
برقوووش
الله يسلمج
قبل جم سنه حاشتني هالحاله وحسيت بوحشة العيشة بين ناس ما تفهمين تتفاهمين معاهم وفاقده الاذن اللي تسمع
قررت فجأه
إني راح أسولف مع أي أحد غريب واشوف شيقولي
صادفتني وحده مصريه الله يطريها بالخير كانت خوش وحده
سولفت وفضفضت وارتحت
واهي تسمع تسمع
اخر شي قالتلي
يا حبيبتي ده امرك سهل جداً
وانا كنت بحسب انك بمصيبه
كل اللي أولتيه بيمر على اي بني آدم
ده معناته انك بتنزجي
يعني قاعده انضج
أثاريه النضوج يضيق الخلق ههههه
ولكم تو نزوووج كلوب
فكيها بأه
:")
شنو يعني؟
اختي العزيزة براقش
ما تشوفين شر
أصعب ما يمكن تجاوزة والتمكن منه هي النفس لكن أرجوا الملاحظة أنه من الممكن
رب العالمين لا يحمل نفس أكثر من ما بوسعها ورب العالمين يختبر عبادة الصالحين ويقابل الإختبار بالمكاسب إن شاء الله ولك منها نصيبك بمشيئته يا أختي
توقيع/ الشيخ كويتي لايعه كبده
(شيخ دين مو شيخ أمن دولة)
كلنا مرينا فيها
ولا زلنا نمر
الله يعينك ونتمنى لك الصحة والعافية وراحة البال
أقول... تبين عقالي ترفعينه مثل قبل؟
:)
(خذيها من مجرب... الإبتسامة علاج والعمر قصير)
لاه لاه لاه ،،، ما تشوفين شر
أحنا موجودين ،،، ما يصير تفضفضيلنا؟
العمر طريج ترسه مطبات
والحياة ما تخلى من ضيقة الخلق ،، عيل أشلون نفرح؟
:)
دام أهلج وحبايبج حواليج وبصحة وعافية
بس ،، تحمدي ربج على هالنعمة حبيبتي
الأنسان ما يدري أشلون أهو حظيظ ،، ألا لا جرب المرض
بعيد الشر عنج وعن الجميع
واللي يشوف مصايب الناس تهون عليه مصيبتة
يالله حبيبتي ماكو ألا العافية
:)
مرحباً
تفائلي بالخير أختي العزيزة تجديه
المستقبل واعد ومليئ بالأفراح والمسرات
صحيح أن لا يخلو أحد منا ويمر بمثل هذه الظروف لكن واثق الخطوة يمشي ملكاً
وأنتي جديرة بالصبر
أتمنى لكي كل التوفيق في حياتي العلمية والعملية
زورينا في عالم الحب
http://www.al7ob1.blogspot.com/
زوريني في عالم الطناش
شفيج
!!!!
Post a Comment