1:11
بصراحة
من أول ما كان عندى خط نقال
كان مع زين و اقصد الاتصالات المتنقلة
ومثل وايد منكم
مؤمنة بمبدأ امسك مينونك
لكن السالفة مصخت
مكالماتى الثلاث الشهور اللى طافت كله بين 70 و 80 دينار
مع انى بالواقع مقللة قرقة بالتلفون
بشوف الحين مع الادارة الهندية الجديده
يسوون لنا خصومات مثل كارفور و سوق لولو
بعد بعد بعد وين اكو هنود وايد؟؟؟
يعنى ابى عرض كلم صديقين و اقرق مع الثالث مجانا
اسهر طول الليل على التليفون و نعطيك خط ذهبى اخر الشهر
المكالمات مجانية لسايقكم و الطباخ و الخدامة
نامى على الخط مع صديقتك و تدشين سحب على
خاتم
FLAWLESS PRINCESS CUT DIAMOND
عقب هذا كله
ما ابى اغير الخط
من سنين عندى
حتى اهل المريخ يتواصلون معاى
شنو الحل
على فكره كان معدل قرقتى السابقه من 25 الى 30
علشان جذى انصدمت
لا و ما عندى اى خدمة بعد حتى
mms
شلتها من شهرين
وهم ماكو فايده
من صجى مادرى اش سالفتهم
حاله
4 comments:
راجعيهم
ترا عادي يضربون على خلق الله اذا ما اكتشفوها بنفسهم
وآخرتها اعتذار مصطنع
أما "الحل" فهو بتقل الخدمة و"الرقم" من شركة الى أخرى مثل باجي الدول لكن بالكويت لأ علشان حماية التاجر لا المستهلك
بالنسبة لزين فهي "عالم من القضايا والصفقات اللي ما تمت" وبيع الخرافي نسبة من أسهمه بعد ارتفاع الاسعار. شلون يجمع اسهم علشان يكمل الـ46% ويبيع من خلال شركاته بنفس الوقت؟ طبعا السوق ما فيه رقيب يدافع عن المستثمرين وسلامة السوق ذاته.
زين عالم من النصب
وين عماد السيف عنهم؟
يقول واحد شغل مع زين
يقول ايي يبوقون
ودمتم
:)
وزارة المواصلات وافقت مؤخرا على موضوع حرية انتقال مشتركي شركات الهواتف المحلية الثلاث من شركة لأخرى مع الأحتفاظ بأرقام هواتفهم الحالية
ولكن تطبيق ذلك تأجل لحين بيع مجموعة الخرافي لحصتها بشركة زين حيث المتوقع انسحاب عدد كبير من مشتركي زين والتحول الى الوطنية للأتصالات أو حتى الى فيفا مما سيؤثر بشكل كبير على تدني كبير في الأيرادات التشغيلية التى تهبرها زين من مشتركيها الغلابة مثل براقش وربعها المتمسكين بأرقامهم الحالية
Post a Comment