من الفضاوة قلت اطلق رويلاتى الى جمعية المهندسين الكويتيه و اشوف مكتبتهم
يمكن الاقيلى كم كتاب ينفعونى بمشروعى التجارى القادم
وللامانه فكرت بكل الشعب الكويتى
وراح تصيرون شركاء معاى
والربح يتقسم علينا كلناوكل ماكبر حجم عايلاتكم زاد ربحكم
انصدمت ان الى الان مازال فيه اسرى بالديره
والله شر البليه ما يضحك
المهم مشروعى يتعلق بوزارة النفط لانى احتاج منهم نفط خام
و بوزارة الاشغال و الاسكان لانى ببيع عليهم المنتج النهائى
ما يخفى عليكم غبار الديره اللى يطب علينا بدون مقدمات
راح اوزع على اللى يبى برميل نفط
اول ما تشوفون الغبار هب
على طول تسبحون بالنفط و توقفون مصدات بوجه الغبار
كل ما زاد الغبار و لزق زاد ربحكم
نبيع المنتج بدونكم طبعا لان راح يتم اعادة استخدامكم
على الاسكان و الاشغال
وبجذى راح نساهم ببنيان الديره
او بالسور الرابع والا الخامس
كل مازاد الطين زاد الربح
وبهذا راح الكل يدعى ان صيفنا يكون عافور يهب علينا من الربع الخالى
صدقونى ما يخلص هالصيف الا كلكم محلوله مشاكلكم الماديه
لا و عندكم ودايع بعد
اللى وده يساهم بالمشروع يسجل
ترى الاماكن محدوده
ولكل عايله حد اقصى تقدر تساهم فيه
وبالباطن راح يكون هناك عقد لشركه تعطى اللى يبى ملقط
يجمع الحشرات اللازقه
و ندفنها علشان نساهم برفع مخزون نفط المستقبل
اسبح بنفطك
يلزق غبارك
مجمع حشراتك
بانى بيتك
وزايد بترولك
واشكبر حسابك
تحياتى
خبيره الطاقه
بروفسوره براقش
زميلة معهد الدبكه الفلبينيه-مانيلا
12 comments:
عـسـى بـس الـرسـوم مـاهـي عـالـيـة
؟
:d
الخالة براقش
أسعد الله مساءاتك
لابالله خوش فكرة...الحين حلين مشكلة الغبار...نبي حل لمشكلة درجة الحرارة
:))
أما صورة جمعية المهندسين تحفة
!!!
بودي أن أعرف من هذا الجهبذ الذي ابتدع هذه الفكرة
:p
كيف الحال
:)
تقبلي مني أرق التحايا
مرزوق الغانم وخاله ويانا؟
والا بس حنا اللي نكرف كالعادة؟
العن خيرهم
العراقيين خذوا حتى الكادر اسير
!
:)
صباحج غبار مو طبيعي
وهذي اول مؤشرات نجاح مشروعج المبجل
هذا الغبار وما يسوي
ينت البنيه!!!
البيرق
------
لا الرسوم مخفضه
والربح اكيد
:)
شقران
------
الحر مو مشكله
بدونه البحر ما يسوى
:)
ما اعرف منو هالجهبذ للاسف
كويتى لايعه كبده
--------------
لا بس احنا اللى نكرف
لووووووول
ولد الديره
-----------
شفت شلون
لازم نسوى للكادر تحليل
DNA
الزيين
----
صباحك شحرورى
لا تشكين بقدراتى
مسوية خوش دراسة جدوى
:P
ارتفل
-----
يا عدو الابداع
لا تطلع اشاعات مغرضه
و تبوق المشروع
:)
Post a Comment